Sparebanken Møre er vår generalsponsor i tre nye år - eit viktig samarbeid for Brattvåg IL
Vi er svært glade og fornøgde med at Sparebanken Møre fortsetter
samarbeidet som generalsponsor med Brattvåg IL og at dei verdsett
verdigrunnlaget vårt. Sparebanken Møre har i mange år vore veldig synleg i
lokalmiljøet og ein særs viktig støttespelar for Brattvåg Idrettslag og ikkje
minst viktig for ei bygd i stadig utvikling, seier Arne Harnes,
sponsoransvarleg i Brattvåg IL.
Banksjef Rune Fjørtoft i Sparebanken Møre fortel at banken
har hatt eit positivt samarbeid med idrettslaget gjennom mange år, og at klubben
har utvikla seg mykje i løpet av desse åra.
– Som
den største banken i fylket vårt, har vi
i Sparebanken Møre ein klar strategi om å vere ein aktiv og engasjert
bidragsytar til det samfunnet vi er ein del av. Vi opplever Brattvåg IL som ein
svært god ambassadør, og veit av erfaring at vi har mange fellesinteresser med
klubben. Vi er begge lokalt forankra, har lang historie og felles
verdigrunnlag, seier Fjørtoft.
Han
viser til dugnadsånda, lidenskapen og den brennande iveren som kjenneteiknar
klubben, og som bidreg til venskapsband, glede og fellesskap blant både unge og
eldre. Brattvåg IL er også kvalitetsklubb og jobbar langsiktig og samarbeider
godt med andre klubbar i nærområdet, seier Fjørtoft.
– Vi
veit at klubbar som Brattvåg er avgjerande for at born og unge skal få sjansen
til å realisere draumane sine i idretten. Brattvåg IL er ein klubb for både
topp og bredde, der det er lov å bli god. Vi er stolte av å kunne bidra til at Brattvåg
IL kan utvikle seg vidare. Dei er ein stor og viktig aktivitetsskapar i vårt
lokalområde, og vi er glade for å kunne vere med på laget, seier han.
Brattvåg IL har tilbod gjennom FFO for dei yngste og Fotball
Spesiale for dei litt eldre. Fjørtoft ser dette som eit teikn på at den støtta
banken bidreg med gir gode resultat.
– Klubben har også toppsatsinga som sitt flaggskip, noko som
har ført A-laget til 2. divisjon og Postnord-ligaen. Det er vi stolte over å ha
vore med på.
Vi ønskjer Brattvåg IL lykke til med ein spanande sesong,
seier Fjørtoft.
Det er ikkje mogleg for klubben å kunne nå sine sportslege
ambisjonar utan sponsorane våre. Sparebanken Møre har vore ein trufast og
viktig støttespelar for oss i dette arbeidet i mange år, og vi er særdeles
glade for å ha Sparebanken Møre med på laget som generalsponsor også dei neste
tre åra seier Stig Hurlen, leder i Brattvåg IL Fotball.