Etter ei krevjande avslutning på sesongen med 3 kampar på ei veke så havna J16 på 2. plass i 2. divisjon, berre forbigått av Hareid som hadde 3 poeng meir.
Brattvåg-jentene (som også har med 3 jenter fra
Grytestranda) starta sesongen med ein sterk kamp mot nettopp divisjons-vinnar
Hareid i april, der leda dei kampen fleire gongar, før Hareid gjekk forbi med
eit mål slik at kampen enda 3-4 på Bortebane for Brattvåg. Ein sterk start på
sesongen når ein no i ettertid veit at Hareid har vunne alle sine 7 kampar og
har ein måldifferanse på +58.
Neste kamp var for mange den viktigaste å vinne,
nemlig nabo-oppgjeret mot Ravn. Her overbeviste jentene med ein sterk 8-3
siger, og vidare herifra vann dei klart mot Ørsta og Langevåg.
Siste veka før sommarferie var det 3 tøffe kampar i
vente mot Volda/Folkestad, Herd og Stranda/Sunnylven. Her imponerte jentene med
sterke prestasjonar og klare sigrar i alle 3 kampane. No er det litt kvile som
gjeld før vidare trening og førebuing til Norway-cup i juli/august.
